PARTÍU CARLISTA D\'ASTURIES. Ye la rempuesta.

Xaviel Vilareyo y Villamil, (Mieres del Camín,1967). Llicenciáu en Derechu, ye escritor n’asturianu. Profesor d’Institutu, narrador, poeta y ensayista.

José María de Pereda y Sánchez Porrúa nació en Polanco (Asturias de Santiyana) el 6 de febreru de 1833. So padre yera Juan Francisco de Pereda, natural de Polanco y so madre Bárbara Josefa Sánchez Porrúa, nacida en Comillas. La familia vivía de l’agricultura y la ganadería nel pueblu de Polanco, allugáu nel valle del ríu Besaya, onde José María cursó los estudios primarios. En 1843 vanse vivir pa Santander pa que los fíos puedan estudiar el Bachilleratu.. Na seronda de 1852 José María de Pereda marcha pa Madrid cola idea de cursar los estudios preparatorios pa ingresar na Academia d’Artillería de Segovia, pero él paez más interesáu poles tertulies nos cafés, los bailles y los teatros. En 1854 escribió una comedia que quedó inédita titulada La fortuna en un sombrero y tornó pa Santander en 1855 añu nel que fallez so madre. En saliendo nesta ciudá un nuevu periódicu, La Abeja Montañesa decidió entamar una nueva carrera periodística escribiendo artículos sobre teatru y costumismu firmándolos col nomatu Paredes. En 1864 apaez la so primer obra importante, Escenas montañesas, que lu convierte nuna celebridá local. En Madrid collabora con otros escritores nun llibru colectivu: Escenas de la vida, colección de cuentos y cuadros de costrumbres. El so segundu llibru, Tipos y paisajes, afita la so idea de facer una lliteratura mui centrada na tierra propia y nos personaxes y costumes de los valles santiyaneses. Prueba a escribir llueu pieces de teatru con poca suerte llogrando publicales en 1869 nun llibru tituláu Ensayos dramáticos. En 1871 entama la so carrera política nel Partíu Carlista presentándose pol distritu de Cabuérniga saliendo diputáu por escasu marxe. Ello permitió-y dase a conocer en Madrid y enanchar el so círculu d’amistaes siendo miembru de la Real Academia Española dende 1872. La so espereiencia política inspirólu pa escribir una novela curtia, Los hombres de pro, inclusa nel llibru Bocetos al temple (1876). Entós dexa la política pa centrase na lliteratura estensa, nel realismu, desando a un llau el rellatu curtiu de costumes. Tol

Carlos X. Blanco

Quiciabes, la hestoria y solamente ella sepa dicir quienes foron los criminales. Hai crímenes contra l´home y crímenes contra la naturaleza. Los crímenes contra la naturaleza, claro ta, tamién son crímenes contra la humanidá. Aténtase contra l´individuu y aténtase tamién contra´l coleutivu, la comunidá. Los asesinatos d´un paisaxe, d´una identidá, especialmente si tán planificaos a llargo plazu, son crímenes contra los Drechos Humanos. Yo nunca entendí esa contraposición, falsa ya interesada, ente Drechos individuales (del ciudadanu) y Drechos Históricos o coleutivos. Una güeyada elemental a la Hestoria del Home vien a dicinos que siempres qu´hai un atentáu a los Drechos Coleutivos, Identitarios o Históricos d´un Pueblu, llueu son los seres individuales los que pasen corriendo de la categoría “humanos” a la de “subhumanos”, ye dicir, mercancía, oxetos a tratar siempre como medios, nunca como fines en si mesmos. Un Pueblu tien que defendercoles uñes si fai falta, los sos Drechos Coleutivos. Ha tenese como cosa segura que´l pasu postreru ye “empacar” a la población d´esi territoriu y usala como mercancía tresportable, esplotable, afechisca pa la esclavización.

L´esbarrumbe que de contino se fai d´horros y paneres n´Asturies, col consentimientu, dexadez o, por qué non, enfotu descaráu de les autoridaes coloniales (social-españolistes) d´Asturies entra dientro d´esti catastróficu panorama de destrucción de les nueses señes d´identidá. Too ye sacrificable en cuantes hai ún, y solo ún Dios Supremu: un “Progresu” entendíu nunca en clave moral sinón llendáu a fines desarrollistes. Un “Progresu” divinizáu que solo mira pal espoxigue de tecnoloxíes que sirvan a los enfotos d´acumulación de Capital y a una faraónica alministración de recursos pa infraestructures, la mayor parte irrelevantes p´Asturies como comunidá, cuando non claramente agresives (Musel&oacu