Blogia
PARTÍU CARLISTA: pola defensa de la nuesa tierra

Prosimamente

Prosimamente

Tres asoleayar “Intervenciones” de Noam Chomsky (Colección Camilo Cienfuegos) y Los ámbitos de la Nación Asturiana de Xaviel Vilareyo (Colección Ensayu) la editorial Espublizastur anuncia que prosimamente asoleyará un ensayu de José Carlos Loredo Narciandi (Xixón, 1971) entituláu “Pegoyos y Muruecos d’Asturies. (Cosiquines d’una lleenda Urbana)” na que ufre una reflexón sobre los bancales nos que s’afita la identidá asturiana, pero tamién los “furacos” per onde esa identidá se ta esfarraplando.

¿Por qué ta mal visto ser nacionaliegu? La rempuesta ye primer reflexón, pa entrar darréu a analizar el “dase a España”, destín defendíu pal nuesu país por dalgún españolista y la so rellación col crime identitariu consistente en facer d’Asturies una “rexón pa turístes” y tolo qu’ello conlleva,…otru componente d’esti destín velu l’autor na emigración y nes “lleendes urbanes”. En “Pegoyos y muruecos d’Asturies”  denúnciase la idega d’Asturies como “parte útil” d’España, exemplificada anguaño en casos abondo como’l banzáu de Caliao o les redes d’alta tensión.

Nun falta tampoco nesta obra, un analís d’urxencia y críticu enforma sobre la “mentalidá asturiano”, el grandonismu como complexu d’inferioridá. L’autor peracaba l’ensayu col analís del casu de la Llingua como exemplu cimeru de lo qu’Asturies fai consigo mesma.

“Pegoyos y muruecos d’Asturies” ye’l tercer volume de la coleición “Ensayu”, un espaciu de reflexón de temática asturiano y na llingua de nueso.

JOSÉ CARLOS LOREDO NARCIANDI

Doctor en Psicoloxía pola UNED y Llicenciáu en Filosofía y Ciencies de la Educación (seición Psicoloxía),  ye profesor d’Historia de la Psicoloxía na UNED.

José Carlos Loredo Narciandi, tien espublizaos más d’una ventena d’artículos en revistes ciéntifiques y ye autor del llibru “Lecturas de historia de la psicología” (UNED, 2001),  amás de participar en delles obres coleutives. Ye autor de trabayos nel ámbitu de la Historia y Sistemes de la Psicología y ente los sos intereses tan les tradiciones constructivistes en psicoloxía y les tecnoloxíes de la subxetividá.

Con “Pegoyos y muruecos d’Asturies” espubliza’l so primer llibru d’ensayu, anque tien dalgún ensayu curtiu asoleyáu en dalguna revista y ye collaborador na tribuna d’opinión de dellos medios dixitales asturianos.

¿Y esta publicidad? Puedes eliminarla si quieres
¿Y esta publicidad? Puedes eliminarla si quieres

0 comentarios

¿Y esta publicidad? Puedes eliminarla si quieres