Blogia
PARTÍU CARLISTA: pola defensa de la nuesa tierra

Rueda de prensa de presentación de la campaña SOS Asturies

Rueda de prensa de presentación de la campaña SOS Asturies

Una veintena d’organizaciones llamen a manifesáse l’ochu setiembre n’Uviéu baxo’l llema SOS Asturies y anuncien la creación d’un espaciu de xunidá d’aición.

 

Con una rueda de prensa nos llocales de la CSI na Casa Sindical de Xixón una veintena de organizaciones polítiques sindicales y sociales anunciaron la so voluntá d’aniciar "un procesu d’alderique conxuntu al rodiu la necesidá de xenerar un espaciu de xunidá d’aición plantegando únicamente’l lema SOS ASTURIES como puntu d’aniciu" y teniendo en cuenta dende’l entamu "la soberanía de les presones y muerganizaciones que quieran participar, respetando la so propia perceición de la rialidá y los sos analís políticos entendiendo que sacantenes les presones y partios políticos responsables de la situación llaceriosa na que s’afaya Asturies (FSA-PSOE, IU-LV-BA y PP), la propuesta ye abierta dafechu".

 

L’unicu condicionante que planteguen ye’l de "compartir esta necesidá de trabayu xunitariu en defensa de los drechos personales y coleutivos del Pueblu Asturianu".  

 

Con too ello, les organizaciones que roblen esta declaración  convoquen a la sociedá asturiana a manifestase esti 8 de setiembre con un baberu principal compartíu baxo’l llema SOS ASTURIES y convocatoria individual de cada organización magar les 13 hores na Estación del Norte d’Uviéu. L’ocho setiembre va cellebráse un actu políticu de presentación de la nueva campaña y espaciu xunitariu SOS Asturies. Ente la veintena d’organizaciones atópense Andecha Astur, PCPE, Partíu Carlista d’Asturies, Corriente Sindical d’Izquierda (CSI), Darréu, Cordinadora Antifacista d’Asturies, asociaciones xuveniles y culturales como N’AST, El Roblón, Bilortu, Atenéu Cultural Xuan María Acebal, Riscar Roxu, Ensame Sidreru, Remanecer, la Fundación Asturies XXI y la Fundación Obrera d’Investigación y Cultura, ente otres.

 

¿Y esta publicidad? Puedes eliminarla si quieres
¿Y esta publicidad? Puedes eliminarla si quieres

0 comentarios

¿Y esta publicidad? Puedes eliminarla si quieres