Blogia
PARTÍU CARLISTA: pola defensa de la nuesa tierra

Miles d'asturianos enllenaron el centru d'Uviéu na manifestación pola oficialidá

Miles d'asturianos enllenaron el centru d'Uviéu na manifestación pola oficialidá

La manifestación pola oficialidá del asturianu aconceyó nel centru d’Uviéu a miles d'asturianos que reclamaren el derechu a que'l so idioma seya reconocíu de manera oficial na redacción del prósimu estatutu d'Autonomía d’Asturies. La marcha, que venía precedida d'otres seis a pie dende varios puntos del País (Mieres, Llangréu, Xixón, Avilés, Trubia y La Pola Siero) tuvo encabezada por una pancarta na que se podía lleer l'emblema "Na Reforma del estatutu, l'asturianu llingua oficial".

Nel discursu final, el gaiteru José Ángel Hevia fizo un llamáu a los responsables políticos pa que l'asturianu pueda usase normalmente, dalgo que pasa pel reconocimientu xurídicu de la so oficialidá. "Ye imprescindible que los partíos políticos mayoritarios n'Asturies asuman el diagnósticu sociollingüísticu que faen los sos compañeros n'otres comunidaes: ye imposible recuperar una llingua minorizada namás coles polítiques de promoción superficial que se vinieron faciendo hasta agora", dexó claro el gaiteru maliayés.

¿Y esta publicidad? Puedes eliminarla si quieres
¿Y esta publicidad? Puedes eliminarla si quieres

0 comentarios

¿Y esta publicidad? Puedes eliminarla si quieres