PARTÍU CARLISTA D\'ASTURIES. Ye la rempuesta.

"Casería y Socialismo: nación asturiana y marxismo nacionalista" ye´l segundu ensayu del filosofu Carlos X. Blanco, el primeru qu´espubliza con Glayíu Editorial.

Carlos X. Blanco col ensayu asoleyáu "La Nación Asturiana" (Espublizastur, 2007) asoleya agora un nuevu trabayu, esta vegda en castellan, onde s’avera en clave marxista al estudiu pormenorizáu de la evolución socioeconómica d´Asturies a lo llargo de la so hestoria, sacando como idees-fuerza la diferenciación del modelu económicu tradicional asturianu, afitáu na autosuficiencia y la llibertá de los individuos.

Blanco destaca tamién la casería tradicional asturiana como unidá económica básica de la nuestra tierra hasta va bien poco, y plantea la necesidá que tien Asturies de desendolcar la so propia democracia económica si nun quier sucumbir como pueblu dientro del actual modelu de globalización transnacional.

La obra cuenta con prólogu de José Carlos Loredo Narciandi, profesor asturianu d´Hestoria de la Psicoloxía na UNED, tituláu “¿Se puede ser de izquierdas y nacionalista?”.

Con Casería y Socialismo: nación asturiana y marxismo nacionalista, Glayíu Editorial estrena la coleición Orbayu, na que verán la lluz obres que dende xéneros y enfoques estremaos tengan como exe principal Asturies y los asturianos.

Casería y Socialismo: nación asturiana y marxismo nacionalista
Carlos X. Blanco
Glayíu Editorial, Uviéu, 2008
ISBN: 9788461233632
288 páxines, edición rústica
PVP: 12€