PARTÍU CARLISTA D\'ASTURIES. Ye la rempuesta. 35

Hubo una dómina na qu´Asturies foi una nación fundada nes más antigües tradiciones y lleis. El so pueblu supo sobrevivir demientres sieglos a los más enfotaos porgüeyos de conquista y asimilación. Preba d´ello ye la supervivencia d´una llingua propia, los resclavos vivos d´un derechu tradicional, la vixencia d´una cultura única, y en suma, la supervivencia d´una institución como la Casería, paradigma de toa otra institución y mou de vida específicamente astur. Los porgüeyos centralistes del estáu español, tantu por parte del lliberalismu “xacobín” como por parte del autoritarismu, entainaron nel caberu sieglo un antiguu procesu de desaniciu de los preseos de vida tradicionales nel país. D´otra banda, una cégara esquierda –por cuenta del so mal entendíu “internacionalismu”- a la heteroxenidá de los estremaos pueblos del estáu, malpenes empobinó pel camín de la defensa y reivindicación de los preseos de vida específicos del nuestru país astur y del nuestru pueblu, condenáu a emigrar o a convertise en criáu d´otros. Agora que se pretende emburriar una urbanización xabaz del país, atropándonos a toos nuna reducía fastera central asfaltada, arrodiada por enormes “ales” rurales deshabitaes, ye mester reaccionar en defensa de la vida rural. Agora que se pretende inda afogar la llingua asturiana y otros rasgos culturales que son propios de nós, ye urxente dar una rempuesta y salvanos del etnocidiu. Nun momentu nel que quieren subordinar la nuestra economía y la nuestra mesma existencia como territoriu a un simple solar cásique colonial al serviciu d´otres comunidaes, profundizando nel calter subordináu del país astur, hai que llanzar un glayíu de protesta. La nuesa supervivencia como nación, como pueblu, una vez mermáu pa siempre´l nuestru potencial industrial, consiste en repoblar y reconquistar nuestres tierres y los nuestros vezos. Un paisaxe y una forma humana de vinculase con él foron les ayalgues que los nuestros antepasaos nos regalaron y nos fixeron ser lo que güei somos. Polítiques bastardes y intereses foriatos mos van imponer nuevos kilómetros d´asfaltu, nuevos banzaos innecesarios, titánicos puertos, y milenta urbanizaciones. Nada d´ello se fai rempondiendo a unes necesidaes sentíes polos asturianos como pueblu. Too s´estroza en nome del Sagráu Progresu. Se nos desencadarma´l territoriu de manera artificial y bederre, poniéndolu al serviciu y esfrute d´otros. Nos empobinen a la fuercia nel camín de la Globalización (aculturación) salvaxe, faciéndonos perder pa siempre les señes d´identidá y autosuficiencia qu´antaño nos fixeron aguantar. Quixéramos una Asturies políticamente autogobernada daveres, autosuficiente no económico y no cultural, una nación que conviva en bona amistá y cooperación colos otros pueblos ibéricos llibres, hermanos y vecinos de nuestro. Al mou nel qu´esa Casería -de la que vinimos toos en cabera instancia- yera una xunidá autárquica a toos los niveles, separtada abondo de les vecines, pero en collaboración y comunidá (socialista) con elles, asina debería constituyise l´Asturies del futuru en rellación con tolos pueblos llibres del mundu.

Estos artículos de “Barganaz Astur” expresen esi pruyimientu.

Hubo un tiempo en que Asturies fue una nación fundada en las más antiguas tradiciones y leyes. Su pueblo supo sobrevivir durante siglos a los más decididos intentos de conquista y asimilación. Prueba de ello es la supervivencia de una lengua propia, los restos vivos de un derecho tradicional, la vigencia de una cultura única, y en suma, la supervivencia de una institución como la Casería, paradigma de toda otra institución y modo de vida específicamente astur. Los intentos centralistas del estado español, tanto por parte del liberalismo “jacobino” como por parte del autoritarismo, aceleraron en el último siglo un antiguo proceso de destrucción de los modos de vida tradicionales en el país. Por su parte, una izquierda ciega –por su mal entendido “internacionalismo”- a la heterogeneidad de los distintos pueblos del estado, apenas ha avanzado por el camino de la defensa y reivindicación de los modos de vida específicos de nuestro país astur y de nuestro pueblo, condenado a emigrar o a convertirse en criado de otros. Ahora que se pretende impulsar una urbanización a ultranza del país, concentrándonos a todos en una reducida área central asfaltada, rodeada por enormes “alas” rurales deshabitadas, es preciso reaccionar en defensa de la vida rural. Ahora que se pretende todavía ahogar la lengua asturiana y otros rasgos culturales que nos son propios, es urgente dar una respuesta y salvarnos del etnocidio. En un momento en que quieren subordinar nuestra economía y nuestra misma existencia como territorio a un simple solar casi colonial al servicio de otras comunidades, profundizando en el carácter subordinado del país astur, se debe lanzar un grito de protesta. Nuestra supervivencia como nación, como pueblo, una vez mermado para siempre nuestro potencial industrial, consiste en repoblar y reconquistar nuestras tierras y nuestros usos. Un paisaje y una forma humana de vincularse con él fueron los tesoros que nuestros antepasados nos legaron y nos hicieron ser lo que somos. Políticas bastardas e intereses ajenos nos van a imponer nuevos kilómetros de asfalto, nuevos pantanos innecesarios, titánicos puertos, y miles de urbanizaciones. Nada de ello se hace respondiendo a unas necesidades sentidas por los asturianos como pueblo. Todo se destroza en nombre del Sagrado Progreso. Se nos desvertebra el territorio de manera artificial y brutal, poniéndolo al servicio y disfrute de otros. Nos introducen a la fuerza en la vía de la Globalización (aculturación) salvaje, haciéndonos perder para siempre las señas de identidad y autosuficiencia que antaño nos hicieron resistir. Quisiéramos una Asturies políticamente autogobernada de veras, autosuficiente en lo económico y en lo cultural, una nación que conviva en buena amistad y cooperación con los otros pueblos ibéricos libres, hermanos y vecinos nuestros. Al modo en que esa Casería -de la que venimos todos en última instancia- era una unidad autárquica a todos los niveles, suficientemente separada de las vecinas, pero en colaboración y comunidad (socialista) con ellas, así debería constituirse la Asturies del futuro en relación con todos los pueblos libres del mundo.

Estos artículos de “Barganaz Astur” expresan esa aspiración.